Ekainaren 27an eta 28an, Inspira STEAMen 2021-2022ko edizioaren itxierak ospatu ziren L’Hospitaleten eta Tarragonan, hurrenez hurren. Pandemian bi urte igaro ondoren, amaierako ekitaldiak aurrez aurreko saioetan egin dira. Mª Luz Guenaga Deustuko Unibertsitateko Inspira STEAM programako arduraduna izan zen L’Hospitaleten ekitaldiari ongietorria eman ziona eta Tarragonan, Cristina Urbina Pons Rovira i Virgili Unibertsitateko arduradunak egin zuen.

Egun horietan hainbat dinamika burutu ditugu gelako saioetan bizitako esperientziak ebaluatu, hausnartu eta partekatzeko. Aukera izan genuen bertatik bertara aholkulariei eta ikastetxeei eskerrak emateko eskainitako denbora, ahalegin eta ilusioagatik, Inspira STEAM neska-mutil guzti horiengana iritsi zedin.

Inspira STEAM erakunde publiko eta pribatuen laguntzari esker antolatzen da, hala nola L’Hospitalet – Torrebarrinako Udala, DoW Chemical., Repsol, BASF, Dupont, Elyx-Polymers, Kataluniako Ikerketa Kimikoen Institutua, Kataluniako Giza Paleoekologia eta Gizarte Eboluzioaren Institutua, URVko Gizarte Kontseilua eta URVko Ingeniaritza Eskolak (ETSE-ETSEQ).